Mësohet se Prokuroria ka regjistruar kallëzimin penal, nën akuzë për “dhune në familje”
Prokuroria e Tiranës ka nisur hetimet në lidhje me akuzat e ngritura nga Princ Leka ndaj ish-vjehërrit të tij Gjergj Zaharia dhe ish-bashkëshortes Elia Zaharia.
Mësohet se Prokuroria ka regjistruar kallëzimin penal, nën akuzë për “dhune në familje”, teksa po ashtu po hetohet se kush e publikoi videon, ku aktorja Elia Zaharia shfaqj duke e dhunuar princin, ndërsa ky i fundit filmonte me telefon.
Lidhur me ngjarjen dhe videon dje ka pasur reagime nga të dy palët. Princ Leka ka akuzuar babain e ish-bashkëshortes se e ka dhunuar. Nga ana tjetër Elia ka hedhur poshtë të gjitha akuzat për dhunë dhe ka pretenduar se ajo dhe babai i saj janë viktimat në këtë mes. Një dilemë ngelet edhe kush ka publikuar videon pasi, sipas prokurorisë kur është publikuar, materiali nuk kishte mbërritur akoma atje.
Njoftimi i prokurorise:
Në Prokurorinë e Gjykatës së Shkallës së Parë të Juridiksionit të Përgjithshëm Tiranë më datë 06.03.2024, ora 15.00 është referuar nga Komisariati i Policisë Nr.1 materiali kallëzues i shtetasit L.Z për veprën penale “Dhuna në familje”, parashikuar nga neni 130/a i Kodit Penal.
Prokuroria pranë Gjykatës së Shkallës së Parë të Juridiksionit të Përgjithshëm Tiranë, regjistroi kallëzimin penal nr.2893 për Veprën Penale të parashikuar nga neni 130/4 i Kodit Penal.
Materiali është shortuar dhe i është ngarkuar prokurorit përkatës.
Ndërkohë, në lidhje me të dhënat e publikuara në media, ju bëjmë me dije se, nga ana e Prokurorisë kanë nisur verifikimet edhe në lidhje me publikimin e një videoje, provë materiale.
Nga verifikimet e para, ka rezultuar që materiali kallëzues është depozituar në Prokurorinë e Gjykatës së Shkallës së Parë të Juridiksionit të Përgjithshëm Tiranë, pasi videoja është publikuar në media të ndryshme dhe rezulton që zarfi ku është administruar prova të mos jetë i hapur.
Në lidhje me rastin në fjalë, është ngarkuar Agjensia e Mbikëqyrjes Policore për të kryer veprimet hetimore përkatëse.