“Ashtu siç ka banorë që janë totalisht të heshtur”
Opinionisti i “Big Brother VIP”, Arbër Hajdari, ka këshilluar disa banorë që të bëhen pjesë e lojës. Teksa po komentonte debatin mes Julit dhe Rozës, ai u shpreh ‘ata janë duke matur tensionin e njëri-tjetrit’.
Më pas, Hajdari shtoi se sheh disa banorë të fortë por sheh edhe banorë që rrinë totalisht në heshtje. Ai përmendi emrin e Alfios, të cilit i tha ‘që të mos rrijë vetëm në kuzhinë se banorët e çojnë shpejt në Fan Club’.
“Unë mendoj se brenda asaj shtëpie, për momentin shoh disa lojtarë të fortë. Ashtu siç shoh dhe Julin dhe Rozën lojtarë të fortë. Mendoj që lojërat e fjalëve që kanë filluar me njëri-tjetrin, janë edhe disi matje tensioni me njëri-tjetrin. Brenda shtëpisë ka nisur matja e pulsit, deri ku shkon ti, a vjen me mua, a nuk vjen me mua. Ashtu siç ka banorë që janë totalisht të heshtur. E përfitoj nga fakti që dy apo tre prej tyre, u bëj thirrje që të bëhen pjesë e lojës, siç është edhe Alfio se nëse harrohesh në kuzhinë, këtu shumë shpejt të çojnë te Fan Club”, tha Arbri.
Nga ana tjetër, Alfio iu përgjigj duke thënë se ‘nuk futet në debatet e secilit dhe nëse nuk ndihet i mirëpritur në një muhabet, nuk ka pse i fus hundët’.
“Unë mendoj se nuk është e drejtë të futem te debatet e secilit këtu. Nëse nuk ndihem i mirëpritur në një muhabet, nuk kam pse i fus hundët, kështu e mendoj unë. Ajo pjesë e kuzhinës, do apo s’do, do bëhet nga dikush, e besoj se jam personi i duhur për ta bërë. Mbase jo tani, por do vijë një moment që edhe nuk do e bëj”, u përgjigj Alfio.