Sunday, July 21

‘Debatuan’ në postimin e Kiarës, Ronaldo bën postimin epik dedikuar Nita Latifit! (VIDEO)

Ish-banorët e ‘Big Brother VIP’ Ronaldo Sharka dhe Nita Latifi duket sikur kanë gjëra ende të pasqaruara me njeri-tjetrin që pas rrugëtimit në shtëpi.

E gjitha nisi me nominimin e Nitës ndaj Ronaldos si avantazh i kutisë së Pandorës, për të vazhduar më pas me eleminimin e këtij të fundit për herë të dytë nga gara.

Kështu, edhe tani me përfundimin e ‘BBVIP’, Ronaldo ka vazhduar të thumbojë këngëtarën, duke filluar që nga komentet në foto të ish-banorëve të tjerë, si dhe në ‘story’ në Instagramin e tij.

Ndërkohë, së fundmi, gazetari ka publikuar një postim dedikuar Nitës, duke shkëputur copëza nga një prej intervistave të saj në ‘E diell’ ku thotë “Çfarë kam unë më shumë se Elvana (Gjata)”, e bashkangjitur dhe e montuar me reagime të kësaj të fundit.

“O Nita o pasha, fito Big Brother-in se bëm shaka”- ka shkruar Ronaldo në ‘caption’.