Saturday, July 13

Efi: Janë disa njerëz që për famë harrojnë miqësinë

Miqësia që Efi Dhedhes dhe Kiara Tito krijuan brenda në shtëpinë e “Big Brother VIP2”, ndryshoi totalisht kur moderatorja doli jashtë shtëpisë.

Bisedat e lëna pezull jashtë, kanë qenë pikë diskutimi gjatë ditëve të fundit në shtëpi, mes Kiarës dhe Efit.

Kjo e fundit ka shprehur zhgënjim sa i përket sjelljes së Kiarës. Madje duke biseduar me Nita Latifin, ajo u shpreh se disa njerëz, duke iu referuar Kiarës, harrojnë miqësinë për famë.

Ajo tha se pasi të dalin nga shtëpia, nuk do jetë më ajo mirënjohja që kanë qenë më parë.

Efi i  tha Nitës se kur ajo të dalë nga shtëpia do e kuptoi të gjithë situatën dhe debatin që u krijua mes tyre, edhe pse deri atëherë nuk do të ketë më vlerë.