Çfarë kanë konstatuar mjekët në kartelën mjekësore të Altin Çokut
Në dosjen e siguruar nga gazetarja e Top Channel, Anila Hoxha, sipas Akt Ekspertimit Psikiatriko–ligjor të datës 29.07.2014, rezulton se Altin Çoku prezanton tipare të personalitetit narcistik.
“Sipas Akt Ekspertimit Psikiatriko–ligjor nr.291, datë 29.07.2014, mbi ekzaminimin e shtetasit Pal Çoku, i Insituti i Mjekësisë Ligjore rezulton se
– “shtetasi Altin Çoku prezanton tipare të personalitetit narcistik. Nuk u evidentuan crregullime të mendimit , gjykimit, konjicionit dhe kujtesës, me aftësi të mira për ta ruajtur dhe përdorur informacionin.
“Shtetasi Altin Çoku vuan nga Kifo scoliosis deformans, Insuficience respiratore restriktive si dhe prezanton tipare të personalitetit narcistik.
“Në kushtet aktuale nuk prezanton nevojën e ndonjë mase mjeksore, pasi gjykimi dhe të menduarit e sjellja janë brenda tipareve të tij të personalitetit duke prezantuar një model mbi të cilën funksionon që prej adoleshencës dhe rinisë së hershme. Për më tepër gjatë kësaj periudhe nuk ka qenë e nevojshme të trajtohet për ndonjë simptomë të shëndetit mendor.
“Në gjendjen që prezanton aktualisht nuk prezanton rrezikshmëri shoqërore.
” Aktualisht shtetasi Altin Çoku paraqet edhe Insuficience respiratore restriktive (sëmundje fizike)”, sipas dosjes.
Kujtojmë se Altin Çoku 39 vjeç nga Kurbini, banues në Kamzë është tashmë i arrestuar dhe akuzohet për shkaktim të vetëvrasjes për shkak të publikimit të fotos intime, dhe ka një skedë skedën kriminale në vitet e mëprashme.
Referuar mediave, para më shumë se 15 vitesh, Altin Çoku kishte krijuar një lidhje intime me një vajzë 18-vjeçare, që ishte vajza e dajës. Në vitin 2009, Çoku ishte njohur me një vajzë tjetër me të cilën kishte krijuar lidhje. Por kur kushërira i dha fund marrëdhënies me të, Çoku e kërcënonte se do t’i bënte keq asaj dhe vëllait të vogël 15-vjeçar. Dhe ashtu veproi.
Më Mars të vitit 2010, ndërsa djali i tij i dajës ishte duke mbledhë kanaçe, Çoku, ju afrua dhe e spërkati me me benzinë dhe i vuri flakën. I mituri u shpëtua nga dy banorë të zones. Prokuroria e Kurbinit e hetoi ngjarjen në atë kohë dhe nxorri para përgjegjësisë Altin Çokun si autor të vrasjes së të miturit të mbetur në tentativë.
Por ekspertiza mjeko-ligjore e nxorri Altin Çokun me prapambetje mendore të moderuar dhe çrregullime të sjelljes, e që në kohën kur bëri veprën penale ishte i papërgjegjshëm për veprimet e tij. Ndaj u vendos mjekim i detyruar ambulator, duke shpëtuar nga dënimi me burg.