Pasi u emërua në krye të Ministrinë e Ekonomisë Kulturës dhe Inovacionit, Blendi Gonxhe ka thyer heshtjen
Edhe pse ende nuk është dekretuar ende nga Presdienti i Republikës, Bajram Begaj, Blendi Gonxha duket se e ka nisur detyrën e re.
Pasi kryeministri Edi Rama e vendosi në krye të ministrisë së re të krijuar ditën e djeshme, Ministria e Ekonomisë Kulturës dhe Inovacionit, Blendi Gonxhe ka thyer heshtjen me një status. Përmes një reagimi në rrjetin social ‘Twitter’ e ka cilësuar përgjegjësi, sfiduese dhe privilegj detyrën e re.
“Jam thellësisht i nderuar për vlerësimin e besimin e Kryeministrit Rama në këtë emërim kaq sfidues! Një privilegj që vjen me përgjegjësi të jashtëzakonshme e përkushtimin për të punuar me pasion e përulësi për të shërbyer me ide e zgjidhje për më shumë qytetarë e sektorë në vend!”– thuhet në reagimi ne tij.
Ditën e djeshme, kryeministri Rama njoftoi shkrirjen e tre ministrive në një të vetme, përkatësisht atë Financave, Ekonomisë dhe Kulturës, duke krijuar ministrinë e re të Ekonomisë, Kulturës dhe Inovacionit, në krye të të cilës emëroi Blendi Gonxhen.
Blendi Gonxhe deri më tani mbante postin e Drejtorit të Përgjithshëm në Drejtorinë e Shërbimeve të Transportit Rrugor.
Në vitin 1998, ai u emërua si Shef i Kabinetit i Ministrit të Kulturës, Rinisë dhe Sporteve, ku u angazhua për zhvillimin e politikave mbrojtëse dhe të qëndrueshme të cilat u finalizuan me njohjen e Butrintit si Park Kombëtar, krijimin e Fondacionit të Butrintit (një nga zonat më të rralla për vlerat arkeologjike dhe të ekosistemeve në rajon), zhvillimin e Projektit të Bankës Botërore për turizmin elitar, ruajtjen e Zonës së Bregdetit të Jugut, si dhe shumë projekte të tjera në promovimin e artit dhe kulturës në Shqipëri.
Në vitin 2000, u emërua Nënkryetar i Bashkisë së Tiranës. Ndërsa nga Nëntori 2018, e deri më tani Gonxhe ka qenë në krye të Drejtorisë së Përgjithshme të Shërbimeve të Transportit Rrugor, institucion në varësi të Ministrisë së Infrastrukturës dhe Energjisë.