Dan Hutra dhe 3 të tjerët do kalojnë në regjim të posaçëm “41 biss”.
Dan Hutra së bashku me 3 të burgosur të tjerë, Martin Kapllanin, Geraldo Veizi dhe Feti Kovaçi tentuan arratisjen nga ambjentet e burgut të Fierit pasditen e djeshme.
Siç është raportuar ata u pikasën nga kamerat e sigurisë teksa po prisnin zgarën e dritares së qelisë për t’ u arratisur.
Ndërsa sot është vendosur që këta 4 të burgosur të kalojnë në regjim të posaçëm për shkak se konsiderohen me rrezikshmëri të lartë dhe pritet të hyjnë në regjimin 41 bis.
Kujtojmë se Dan Hutra tronditi opinonin publik muaj më parë kur kreu një vrasje të dyfishtë në Kamëz. Ai ekzekutoi me armë zjarri motrën e ish-gruas së tij dhe nënën e saj. Ndërsa vite më parë kishte vrarë edhe ish-gruan, në banesën ku bashkëjetonin në kryeqytet.