Romeo Veshaj pas performancës me Fifin në “Dancing With The Stars” ka zbuluar për publikun edhe disa prej prapaskenave të propozimit të Donad Veshajt për Bora Zemanin.
Propozimi surprizë ndodhi në premierën e filmit “5 herë jo”.
Romeo është shprehur se unazën e ka blerë ai dhe jo Donaldi, që të mos shpërndahej lajmi se ai do t’i porpozonte partneres së tij.
“Dua të uroj kunatën, dua të tregoj historinë e unazës. Unazën Borës nuk ia zgjodhi Donaldi, ia mora unë, sepse Donaldi nuk hynte dot, shikojeni sa e madhe është, e kam provuar tek gishti im. Donaldi më tha nuk mund të futem në argjendari se do e kuptojnë se do t’i propozoj, i thash çke se shkon vëllai, ishte pyetja më trego pak foton e vajzës, më thanë ma përshkruaj pak vajzën, i thash është vajza me sytë më të bukur në botë”, tha Romeo.
Kujtojmë që më 12 dhjetor u mbaj Premiera Absolute e filmit “5 Herë Jo”, event që mblodhi artistë e figura të rëndësishme mediatike e jo vetëm. Në këtë organizim mjaft special, e gjithë vëmendja ishte për producentët dhe protagonistët kryesorë, Bora Zemani dhe Donald Veshaj.
Madje aktori i njohur kishte vendosur që 12 dhjetorin t’a bënte edhe më të veçantë për të dhe partneren e tij. Pasi ai dhe moderatorja e njohur mbajtën fjalim para të pranishmëve në sallën e kinemasë, Donaldi me një unazë në dorë u ul në gjunjë dhe i propozoi për martesë Borës. E sigurisht që Zemani tha “Po”.