Ky edicion i “BBV2” do të mbahet mend nga të gjithë shqiptarët. Me të vërtetë ishte edicioni i dytë por protagonistët e këtij viti i kanë mbajtur të gozhuar para ekranit çdo të martë dhe të premte të gjithë shqiptarët. Banorët e këtij viti do të mbeten gjatë në memorien e kujtdo me debatet, konfliktet, lojërat dhe momentet e lumtura të tyre.
Të gjithë e dinë se raportet mes Luizit dhe Dea Mishel nuk kanë qenë asnjëherë të mira brenda shtëpisë së “BBV2” madje dhe konsideroheshin edhe kundër njëri-tjetrit. Ama të gjithë janë shumë kuriozë të dinë se si vazhdojnë raportet mes tyre pas mbarimit të “BBV2” dhe tani që janë qetësuar të gjithë. Mesa duket të dy ish-banorët i kanë lënë pas hatërmbetjet dhe tashmë kanë miqësi me njëri-tjetrin, pasi së fundmi Dea dhe Luizi janë parë në një makinë, ku ky i fundit ishte shoferi.
Të gjithë e dinë që djemtë e Shqipërisë janë kthyer në bjondë për shkak të Luiz Ejllit, por vajzat do të frymëzohen tjetërkund. Aktorja me famë botërore, Angelina Jolie, që përgjithësisht i ka qëndruar besnike pamjes së saj natyrale dhe flokëve shumë afër ngjyrës origjinale, tashmë ka ndryshuar look. Ajo është kthyer në bjonde dhe duket më seksi se kurrë me look-un e ri! Nuancat e hapura janë gjithmonë “IN” për verën dhe sidomos me bjonden nuk gabohet kurrë!
