Tuesday, June 25

“Zot më ruaj mend e kokës, më mbaj me këmbë në tokë”/ Luizi zbulon planet për të ardhmen: Sot është rasti…

Prej disa muajsh, Luiz Ejlli është kthyer në një nga personazhet më të dashur dhe të komentuar për publikun shqiptar.

Pas pjesëmarrjes në “Big Brother VIP 2” ku u shpall edhe fitues, këngëtari fitoi një popullaritet shumë të madh. Mbrëmë ai ishte i ftuar në emisionin “Më lër të flas”, ku u shpreh se do të merret me ëndrrën e tij që është muzika.

I pyetur në lidhje me planet për të ardhmen, Luizi u shpreh:

 

“Në këto momente që po flas them vetëm Zot më ruaj mend e kokës, më mbaj me këmbë në tokë, më ruaj familjen time dhe pasionin që e kam në muzikë me e vazhduar shumë ma fort dhe shumë më lart seç kam pasur mundësi ndonjëherë në jetën time. Sot është rasti, sot e kam mundësinë dhe është e vetmja mënyrë për të qenë afër njerëzve, publikut, me koncerte e evente. Të kem familjen time, të kem terezinë time, shtëpinë time dhe të jem rehat me veten dhe njerëzit”.