Saturday, March 2

“Më lër të flas” në Top Channel pa Donaldin? Romeo Veshaj: Ai tjetri vetëm punë prishte (VIDEO)

Edhe pak ditë dhe në ekranin e Top Channel rikthehet emisioni i dashur për publikun, “Më lër të flas”.

Me të qeshura pafund, batuta dhe rrëfime emocionale, “Më lër të flas” do të transmetohet më 24 mars në televizionin më të madh kombëtar.

Së bashku me nisjen e emisionit, do të mund të zbulojmë nëse ky program do të jetë sërish nën moderimin e dy vëllezërve Veshaj. Kjo për shkak se në promon e emisionit shfaqet vetëm Romeo, i cili për Donaldin shprehet se “ai tjetri vetëm punë prishte”.

“Zonja dhe zotërinj, “Më lër të flas” nis së shpejti në Top Channel. Do të jemi bashkë këtë sezon sepse ai tjetri, fundja vetëm punë prishte. Pra, “Më lër të flas” vetëm me mua, Romeo Veshaj. Moderator, autor dhe regjisor”, thotë Romeo në promon e emisionit.

Për më shumë detaje, “Më lër të flas” do të transmetohet çdo të premte ora 21:00 në ekranin e madh të Top Channel.