Thursday, March 28

Efi feston ditëlindjen, Luizi ka një urim të veçantë për ‘shefen e diplomacisë’

Efi Dhedhes dhe Luiz Ejlli krijuan një miqësi shumë të bukur brenda shtëpisë më të famshme në Shqipëri. Edhe pas daljes së Efit, këngëtari e ka përmendur shpeshherë atë në “Big Brother VIP”.

Nga ana tjetër, Efi herë pas here ka bërë postime në rrjetet e saj sociale për Luizin.

Pavarësisht gjithë diskutimeve dhe situatave që kanë ndodhur pas largimit të Efit nga “Big Brother Vip”, shoqja e Luizit, e cila menaxhon llogarinë zyrtare në “Instagram” të këngëtarit, ka bërë një urim për Dhedhes me rastin e ditëlindjes.

Duke përdorur fjalën që Luizi i thoshte shpesh, “Shefja e Diplomacisë”, personi që menaxhon llogarinë e këngëtarit në rrjetin social, i uron në emër të tij Efit “lumturi dhe emocione të mira.”

Prime-i i kaluar duket se krisi miqësinë e Kiarës dhe Efit pasi produksioni i shfaqi një video ku kjo e fundit i jepte të drejtë Luizit për situatën e krijuar te lavamani dhe “dhunën” e këngëtarit.

Moderatorja dëgjoi Efin t’i kundërvihej asaj për reagimin e “dhunës” së ushtruar nga Luizi. Kiara u shpreh se nuk priste të lexonte kaq shumë negativitet e sidomos nga Efi, fjalët e së cilës e prekën më shumë.

Efi feston ditëlindjen, Luizi ka një urim të veçantë

Kjo çështje u diskutua përsëri dhe ishte Luizi ai që foli në lidhje me informacionet që Kiara mori nga jashtë, duke mbajtur anën e kësaj të fundit.

Luizi u shpreh se “është e drejta e të gjithëve ta përdorin historinë e tij me Kiarën”, ta përdorin për interes e tyre personale, referuar kështu ish-banoreve, mes tyre edhe Efit.

“Ne sa vjen e na shtohet dashuria edhe kështu do të jetë edhe jashtë. Është e drejta e të gjithëve ta sjellë këtë histori si tu leverdisë atyre për interes e tyre personale dhe mua dhe Kiarës nuk na mbetet gjë për të thënë. Nuk dua të them fjalë të tipit “qentë të lehin, karvani ecën përpara, por ashtu do të jetë”- tha Luizi.Një reagim për fjalët e Luizit e pati edhe Efi, e cila është shprehur se nuk i mban mëri çiftit duke shprehur edhe njëherë mbështetjen e saj për ta. Sa i përket fitores, ndryshe nga banorët e tjerë brenda shtëpisë që thanë emrin e Kiarës, Efi tha se fituesi për të është Luizi.

“Nuk jam e mërzitur me ta, edhe pse ata mund të jenë mërzitur me mua. E kuptoj se si është të jesh aty brenda. Unë dua që të dy të shkojnë deri në finale, por kuptohet besoj se Luizi dua ta fitojë Big Brother”-tha Efi.

Leave a Reply

Your email address will not be published. Required fields are marked *