Tuesday, June 18

Të ardhura rekord nga turizmi/ Për tre muajt e parë të vitit mbi 624 milionë euro

2023 duket se do jetë një vit edhe më i mirë për turizmin.

Të dhënat e fundit të Bankës së Shqipërisë tregojnë se prurjet e turistëve vetëm në tremujorin e parë të këtij viti arritën në 624 milionë euro. Në raport më të njëjtën periudhë të një viti më parë flukset e vizitorëve të huaj u rritën me gati.

Optimiste janë edhe të dhënat e INSTAT, pasi sipas tyre gjatë katëmujorit në vend kanë hyrë gati 1.7 milionë vizitorë të huaj, dyfish më shumë se një vit më parë.

Vitin e kaluar prurjet e turistëve në vend arritën nivele rekord në 2.8 miliardë euro, ndërsa operatorët turistikë janë optimistë se shifrat do të jenë edhe më të larta këtë vit.

Ndërkohë, të larta rezultojnë edhe shpenzimet e shqiptarëve jashtë vendit për qëllime turistike, pasi sipas statistikat të bankës së Shqipërisë në tre muaj kanë shpenzuar 435 milionë euro në udhëtimet e tyre.

Pra nëse bëjmë një krahasim të diferencës së asaj që është shpenzuar jashtë nga shqiptarët dhe asaj që kanë sjellë turistët rezulton një suficit prej 189 milionë euro, kundrejt atij prej 86 milionë euro një vit më parë. Ndërsa daljet e shqiptarëve në pjesën e parë të vitit u rritën me më shumë se 30%, pasi numri i tyre në periudhën janar- prill arriti në 1.9 milionë.