Monday, May 27

E RËNDË/ Sherr mes adoleshentëve në Tiranë, ka të plagosur

Një sherr banal mes adoleshentëve për pak sa nuk ka përfunduar në tragjedi, teksa situata ka agravuar në përplasje me thikë.

Nga të dhënat paraprake bëhet me dije se një 20-vjeçar i identifikuar si A. Beta ka goditur me mjet prerës shtetasin E. Tuce, 19-vjeç. Si pasojë e konfliktit, Tuçe ka mbetur i plagosur rëndë dhe tashmë ndodhet në spital, nën kujdesin e mjekëve.

Ngjarja e rëndë ka ndodhur në një qendër lojërash kompjuterike në rrugën “Bilal Golemi”, në zonën e Komunës së Parisit. Sakaq, falë reagimit të menjëhershëm, policia ka mundur të kap dhe shoqëroj në komisariatin Nr. 2 autorin e dyshuar.

Grupi hetimor po punon për sqarimin e rrethanave të ngjarjes.