![](https://dylbia.com/wp-content/uploads/2023/11/370268635_1393762794824513_8510101523691968172_n-1-1130x635-1-1024x575.jpg)
Klubi gjerman, Hoffemheim përmes një komunikate zyrtare ka njoftuar se Mërgim Berisha është lënduar gjatë seancës stërvitore.
Ata kanë thënë se Berisha ka lënduar gjurin dhe është detyruar të largohet para kohe në stërvitjen që u zhvillua të martën.
“Mërgim Berisha lëndoi gjurin gjatë stërvitjes dhe për këtë arsye e ndërpreu më herët stërvitjen. Në ditët në vijim do të bëhen kontrollime më të detajuara”, ka njoftuar klubi gjerman.
Pas këtij njoftimi, rrjeti po shprehet se futbollistin e “zuri” mallkimi i Ganisë.
25-vjeçari ishte bërë pjesë e Hoffenheimit pas një aventure me Augsburgun, por deri më tani nuk ka arritur të zë vend në formacionin baze të tyre.
Berisha është paraqitur në tetë ndeshje këtë sezon por ende nuk ka arritur ta gjejë dot rrugën e rrjetës.Lojtari shqiptar ka kontratë valide me Hoffenheimin deri në qershor të vitit 2027.