Sunday, April 14

“Kur e kishin Kavajën e shëmtuan”, Rama: Mos votoni dy hijet e së shkuarës

Kryeministri Edi Rama ndodhet sot në Kavajë, në kuadër të fushatës zgjedhore për 14 Majin. Gjatë fjalës së tij, në një takim me qytetarët në këtë qytet, kreu i qeverisë tha se qytetarët nuk mund të votojnë Metën dhe Berishën pasi kur e kishin Kavajën vetëm e shëmtuan.

Kur po hyja në rrugën që të sjell këtu, mu kujtua se si ishte hyrja e Kavajës kur ne morën detyrën dhe si ajo hyrje që dukej realisht në atë kohë si hyrje në një vatër të dëshpërimit, harresës, rrënimit, ishte e gjithë Kavaja. I kam parasysh pamjet e Kavajës edhe të gjithë punën, projektet, përpjekjet, për të nisur ndryshimin e saj të madh. Në Kavajë, ndryshe, na ka ndodhur që gjatë rrugës të kthehet në duart e atyre që në 30 vjet që kur ka zgjedhje demokratike në Shqipëri, nuk kanë mundur të krijojnë një shembull të vetëm se dinë të kujdesen për një bashki, qytet, një fshat.

Më kujtohet se kur Kavaja u kthye përsëri në duart e tyre, të vetmet probleme që patëm ne me Kavajën nuk ishim më si të financojmë një projekt më shumë, si të hapim një tjetër hapësirë të gjelbër dhe si të krijojmë diçka të re, por ishin lejet në rërë, e dhëna në kundërshtim me çdo ligj dhe interes publik dhe çdo sens të së bukurës dhe të së ardhmes.

E vetmja gjë që mbaj mend në ato vite kur ata rimorën ishte se si përsëri bashkia e Kavajës u vu në dispozicion të një grupi që funksionon si një bandë grabitqarësh. Kavaja u rikthye tek pisllëku, as plehrat nuk mblidheshin më dhe unë këtu do t’ju them atyre të vazhdojnë të votojnë për ata.

 

Nuk i duan bashkitë për ti bërë më të bukura pas sa herë u kanë rënë në dorë i kanë shëmtuar. Të më thonë një bashki që e kanë rregulluar. Shiheni Shkodrën çfarë kanë bërë. Shkodra një nga kryeqendrat e Shqipërisë, kulturës, historisë dhe traditës, shioheni se cfarë është sot. Kush e ka bërë Shkodrën. Zoti e ka bërë Shkodrën të mrekullueshme, me lum dhe liqen, me të gjitha të mirat. Historia i ka dhënë gjithçka Shkodrës, Shkodrën e ka bërë ashtu vota për ata, Kush ua jep voton atyre i preftë vetes biletës për të ecur mbrapsht.“, tha Rama.