Ndarja e çiftit të njohur, Bes Kallaku dhe Xhensila Myrtezaj, është prej kohësh në qendër të vëmendjes
rej disa kohësh, ndarja e çiftit të njohur Bes Kallaku dhe Xhensila Myrtezaj, është në qendër të vëmendjes.
Burime nga gjykata e Tiranës bëjnë me dije detaje të tjera nga padia e këngëtares, e cila jo vetëm kërkon që divorci të kryhet pa faj, por gjithashtu kërkon lënie për edukim dhe rritje të fëmijëve si edhe pension ushqimor prej 150 mijë lekë të vjetra për dy të miturit.
Ndërkohë së fundmi një postim i bërë nga aktori i njohur është konsideruar si një ironi ndaj ish-bashkëshortes së tij. Besi ka publikuar një video në profilin e tij të “Instagram”-it, duke treguar se palestra e një katunari është të punosh në kopsht.
Kjo video e tij është konsideruar si një ironi ndaj këngëtares së njohur, e cila njihet tashmë për kohën e madhe që i dedikohet palestrës, për të mbajtur trupin në formë.
“Ja çfarë do të thotë palestër katunarësh. Vegla për katunarë. Kjo është për shpatullat, të marrtë dreqi shpatullat të marrtë”, shkruan ai.
Ndërkohë kujtojmë se gazetarja e Top Channel, Anila Hoxha, ka raportuar se gjyqtarja e çështjes Adelajda Gjuzi nuk ka caktuar ende datën e procesit të divorcit mes çiftit të njohur, pasi e ktheu padinë pas për plotësime shtesë sepse nuk ishte e firmosur.