Ndreka ka qenë shënjestër e sulmeve me armë zjarri dhe të atentateve të dështuara
Arrestohet në Itali Aleks Ndreka, i njohur si “Leksi i Druve”. Ai është arrestuar në aeroportin e Malpensas në Milano tre ditë më parë.
Ai ishte i shpallur në kërkim në kuadër të operacionit “Metamorfoza” dhe ishte në masën “arrest në burg” në mungesë. Ndreka njihet për përplasjet me ish-deputeti ne PS Arben Ndoka dhe “mbretin” e lojërave të fatit, Ervis Martinajn.
Ai po ashtu ka qenë shënjestër e sulmeve me armë zjarri dhe të atentateve të dështuara. Ai është sulmuar edhe në vitin 2020 në superstradën Lezhë Laç. Aty mbeti i plagosur, por arriti të shpëtojë pasi u largua nga zona dhe shkoi vetë në spitalin rajonal të Lezhës ku mori ndihmën mjekësore. Autorët edhe në atë rast arritën të humbin gjurmët, pasi dogjën makinën në fshatin Pllanë të Lezhës.